1. |
The Auld Beggarman
06:48
|
|||
|
1: An auld beggarman cam ower the lea,
Wi many's a fine tale tae tell tae me;
"O guidwife for your charity,
Wad ye lodge a beggarman?"
Liddle el ti tow row ray.
2: An the nicht wis cauld, the carle wis wet,
Intae the ingle neuk he sat;
He's taen his meal pyoks aff his back,
An aye he rantit an he sang.
3: An fen the auldwife she wis fast asleep,
Intae the dother's bed he did creep;
Intae the dother's bed he did creep,
He wis a gey auld beggarman.
4: "An noo if I wis black as I am white,
Like the snaw that lies ahin yon dyke;
I'd dress masel fu beggar-like,
An awa wi you I'd gang."
5: "Aye, but lassie, lassie ye are far ower young,
An ye hanna got the cant nor the beggin tongue;
Ye hanna got the cant or the beggin tongue,
An wi me ye canna gyang.
6: "Aye, but I'll bend my back and I'll boo ma knee,
I'll pit a black patch ower ae ee;
An for a beggar they'll tak me,
An awa wi you I'll gyang."
7: Noo these twa thegither they hae laid up a plot,
Tae rise twa oors afore the fowk;
Sae cannily he's slippit the lock,
An it's oot ower the fields they ran.
8: An it's early that mornin the auldwife arose,
An cannily pit on her claes;
An stracht tae the servant's bed she gaes,
Tae speir for the peer auld man.
9: An the servant gaed far the auld man lay,
The sheets wis cauld, he wis away;
She's lifted up her hands, crying, "Weel-a-day!
Has ony o oor gweed gear gane?"
10: An some ran tae the coffer an some ran tae the kist,
But nothin wis awa that could be missed;
She's lifted up her hands, crying, "Praise be tae the Blessed!
That we hae lodged an honest auld man."
11: "Noo that nothin is awa that we can learn,
There's kye tae milk, there's milk tae kirn;
Gae but tae the room, lass, an wauken up the bairn,
An aye, an bid her come speedily ben."
12: So the servant gaed far the dother lay,
The sheets wis cauld, she wis away;
The sheets wis cauld an she wis away,
She wis awa wi the beggar man.
13: An it's some rade on horseback, some ran on fit,
It's aa bit the auldwife, she wisna fit;
She's hirpled up an doun fae hip tae hip,
An aye she has cursed an banned.
14: Far awa oot ower the lea,
Fu snug in a glen far nane could see;
These twa mi muckle sport an glee,
Fae a new cheese cut a whang.
15: Noo a few years later, mebbe twa, mebbe three,
That same auld beggar man cam ower the lea;
"O guidwife for your cherity,
Wad ye lodge a beggar man?"
16: "O noo a beggarman, a beggarman I'd never lodge again,
I haed a dother, een o ma ain;
I haed a dother, Jeannie wis her name,
An she's awa wi a beggar man."
17: "Aye, bit aulwifie, aulwifie fit wad ye dee,
A sicht o yer ain daughter Jean tae see;
A sicht o yer ain daughter Jeannie for tae see,
Her that's awa wi the beggar man?"
18: "For yonder she's comin oot ower the lea,
Wi many's a fine tale tae tell tae ye;
She's a bairn on her back, she's anither at her knee,
She's anither on the road comin hame.
19: "An it's yonder she's comin intae the bower,
Wi silks an satins an mony's a flooer;
She's lifted up her airms an she's praised the oor,
She's awa wi the beggar man.
Liddle el ti tow row ray.
|
||||
2. |
Johnnie Gallacher
03:36
|
|||
|
1: As I was a-walkin by Ugie one day,
I met Sergeant Kelly by chance on my way;
Says he, "Johnnie Gallacher, you’re a handsome young man,
Wid ye come doon tae Ugie wi me for a dram?
Wi me for a dram, wi me for a dram,
Wid ye come doon tae Ugie wi me for a dram?"
2: We sat in the ale hoose jist takin oor dram,
Fan he says, "Johnnie Gallacher, wid ye prove ye’re a man?
Wid ye list and tak the bounty and come awa wi me,
Far ower the ocean strange places tae see?
Strange places tae see, strange places tae see,
Far ower the ocean strange places tae see?"
3: He pit his hand in his pocket and the shillin he drew,
"Tak this my brave laddie and ye will never rue."
'Tis then I was listed and the bargain it was made,
The ribbons they were brocht and pit on my cockade.
Pit on my cockade, pit on my cockade,
The ribbons they were brocht and pit on my cockade.
4: Well a curse on that sergeant and his lyin tongue,
A curse on the day that I follaed the drum;
One nicht in the guard room and the next in the jile,
Wi nae topcoat nor blanket tae wrap mysel in.
Tae wrap mysel in, tae wrap mysel in,
Nae topcoat nor blanket tae wrap mysel in.
5: Bad luck tae my uncle farivver he be,
For he was the first man that his ruined me;
Gin he had been an honest man and learnt me a trade,
Then I never wid hae listed nor wore the cockade.
Nor wore the cockade, nor wore the cockade,
No I never wid hae listed nor wore the cockade.
|
||||
3. |
Jimmy Drummond
02:56
|
|||
|
1: O ma name it is young Jimmy Drummond,
I travelled fae Campbelltown;
And last night I layed in a granzie, [barn
Ma mort an ma kenchens free. [wife; children
2: But tonight I lie in kerstardee, [house; jail
An I cannae nash avree; [run; away
An ma mort an ma kenchens lie scattered,
An I dinna jan whaur they may be. [know
3: Now if ever youse dae bing a-chouran, [go stealing
See i ye nash be yersel; [that you go by yourself
For a-chouran for gannies be dozens, [stealing of chickens by dozens
I was sentenced one twelvemonth tae jail.
4: For the sherriff says, “Drummond, you’re guilty,
You are lookin so white and so pale;
But it’s quickly I altered my colours,
When I heard I had a twelvemonth in jail.
5: But when I do get out o kerstardee,
I’ll go back to the girl that I know;
In steads of gold rings on her fingers
She’ll be wearing gold rings on her toes.
6: I will yoke up my ox and my waggons,
An I’ll go a-chouran no more;
For when I do get out o kerstardee,
I’ll go back to the girl I adore.
7: But if ever I dae bing a-chouran,
I’ll be sure an I’ll gang be masel;
I will moud aa the gannies in dozens, [kill
For there’ll be naebody there for tae tell.
|
||||
4. |
||||
|
1: A pedlar busk and a pedlar thrum,
A pedlar he linked ower the lea;
There he spied two troublesome men,
Two troublesome men they proved tae be.
2: "Fit's in your pack ma pedlar man?
Fit's in your pack ma gey fellee?"
"There's seiven shirts, aye, and three cravats,
Likewise ma bowstrings two and three."
3: "If there's seiven shirts and three cravats,
Likewise yer bowstrings two and three;
It's by ma soul," cried Little John,
"The pack and aa will pass tae me."
4: Then the pedlar taen his pack doun aff his back,
He's set it low doun by his knee;
"If ye can fecht me three steps back,
Then the pack an aa will faa tae ye."
5: An Little John drew a guid broadsword,
The pedlar mannie he drew the same;
They swakkit swords till sair they swat,
Crying, "Pedlar man, noo haud your hand."
6: "Fit is yer name, ma pedlar man?
O fit is yer name ma gey fellee?"
"It's ne'er a word o ma name I'll tell,
Till baith yer names ye've tellt tae me."
7: "And the one of is bold Robin Hood,
The ither, Little John, sae free."
"It's noo ye've tellt me baith yer names,
Then ma name an ma place I'll tell tae ye."
8: "I'm Gammel Gold o the gey green wood,
I've traivelled far across the sea;
For killin a man in ma faither's land,
Fae ma faither's land I'm forced tae flee."
9: "If ye're Gammel Gold o the gey green wood,
That has traivelled far fae across the sea;
Then you an me's two sister's sons,
And fit closer cousins could we be?"
10: They sheathed their swords wi richt guid will,
And they hae spoke richt merrily;
Then tae the alehoose that stood close by,
Where they crackit bottles by two and by three.
|
||||
5. |
Barbara Allen
05:50
|
|||
|
1: It fell aboot the Martinmas Time,
Fan the green leaves they were faain;
That young John Graeme, fae the north countrie,
Fell in love wi Barbara Allan,
Fell in love wi Barbara Allan.
2: He’s coortit her for seven lang years,
Till he could coort nae langer;
For he fell sick and his hert wis sair,
So he sent for his true lover,
Aye he sent for his true lover.
3: He sent his man doon through the toon,
Tae the place far she wis dwellin;
Sayin, "Haste ye come tae my maisters side,
Gin yer name bees Barbara Allan,
Gin yer name bees Barbara Allan."
4: Sae hooly hooly she’s raised up,
And sae slowly she’s gaed wi him;
And fan she’s poud the curtains roond,
She said, "Young man I think yer dyin."
Said, "Young man I think yer dyin."
5: "Aye surely I am dyin love,
But one kiss fae you micht cure me."
"One kiss fae me that will niver be,
Though yer herts bleed wis a-spillin,
Though yer herts bleed wis a-spillin."
6: "For mind ye no young man," she said,
"Fan we sat in yonder tavern?
Ye gart the healths gae roond an roon,
But ye forgot yer Barbara Allan,
Ye forgot yer Barbara Allan."
7: "O look ye doon tae my bed fit,
And it’s there ye’ll find a token;
A china vase that’s full o tears,
Gae that tae Barbara Allan,
Gae that tae Barbara Allan."
8: Then he’s turned his face untae the waa,
For death wis wi him dealin;
And he’s bid farewell tae aa his freens,
And adieu tae Barbara Allan,
And adieu tae Barbara Allan.
9: Well she hid scarcely walked a mile,
Fan she heard the deid bell tollin;
And every strike, it seemed tae say,
Hard-herted Barbara Allan,
Hard-herted Barbara Allan.
10: "O mither, mither mak my bed,
For I am broken herted;
For young John Graeme his died for me,
But we winna lang be pairted,
No we winna lang be pairted."
11: The pair were laid in yon kirkyaird,
Aye she wis lain aside him;
And fae her hert there grew a rose,
And fae his hert a briar,
And fae his hert a briar.
12: They grew up tae the bell tower tap,
Till they could grow nae higher;
And there they’ve made a lover's knot,
The rose among the briar,
The rose among the briar.
|
||||
6. |
Fan Diemen's Land
04:23
|
|||
|
1: Come aa ye jolly poacher boys that ramble void of care,
That do go out on a moonlit night with your gun, your dog, your snare;
The harmless hare and pheasant you have at your command,
Never thinking on your last career upon Fan Dyman’s Land.
2: There was poor Jock Brown from Glasgow town, Will Guthrie and wee John,
They were three of the loyalest comrades that ever the sun shone on;
The keeper caught then hunting with gun and snare in hand,
They were fourteen years transported boys upon Fan Dyman’s Land.
3: O once I had a sweetheart, Jean Summers was her name,
They tried her down in Dundee town for the selling of the game;
The captain he fell in love with her, he married her out of hand,
Ah, but she was more than good to us upon Fan Dyman’s Land.
4: Now the place that we’d tae land upon was on some foreign shore,
The settlers thay gathered around us boys, five thousand there or more;
They herded us like cattle, they sold us out of hand,
And they yoked us up like horses boys to plough Fan Dyman’s Land.
5: And the houses that we dwell within were made of clod and clay,
With rotten straw to lay upon, no better by night nor day;
Around the camp we keep close watch, we slumber when we can,
And we fight the wolves and tigers boys upon Fan Dyman’s Land.
6: One night as I lay sleeping I had a sad old dream,
I dreamt I was back in Scotland beside a flowing stream;
And by my side a fair young lass, and her at my command,
But when I awoke, my poor heart broke, I was on Fan Dyman’s Land.
7: So come aa ye jolly poacher boys and a warning take by me,
It’s never go a-hunting for it is against the law,
It’s never go a-huntin with gun or snare in hand,
Or you will find yourself in the place they call Fan Dyman’s Land.
|
||||
7. |
Rovin Eye / Castlegate
04:33
|
|||
|
1: As I gaed ower the Castlegate,
I met in wi a bonnie wee lass;
She looked at me fae the tail o her ee,
As I gaed walkin past.
Chorus:
Wi ma rovin eye, Right fa laddie,
Right fa laddie, Toura lye.
2: I've askit her tae gyang wi me,
And tak a drappie wine;
And as we baith walked doun the street,
She's linked her airm in mine.
3: I've gaen up tae her sittin room,
A bittie ower the burn;
It's true fit Rabbie Burn's said,
That a man wis made tae murn.
4: Wi mutton pies and porter,
Wi whisky wine an beer;
An I swear she ate an drunk as muckle,
As I wad at a guid New Year.
5: I've askit her fit wis her name,
She says, Jemima Rose,
Ans she's bidin in a lodgin hoose,
At the fit o Peacock Close.
6: I've askit her, her landlady's name,
She says it wis Mistress Bruce;
An wi that, she's invited me,
Tae come tae the lodgin hoose.
7: As we gaed up that windin stair,
The wyes bein lang an dark;
I've slipped ma money fae ma inside pooch,
An I tied it tae the tail o ma sark.
8: We scarcely had got up the stair,
Fen she taen me tae a room;
An there we pulled a bottle oot,
An it's there that we baith sat doun.
9: She askit me tae tak a drink,
She fillt a flowin gless:
She looked at me fae the tail o her ee,
"Plooman laddie, dae your best."
10: But in cam twa policemen,
They've took me be the heid o the hair,
An they've gien me a dose o the whirly jigs,
In ma sark tail doon the stair.
11: It's aa nicht lang I dreamt I wis lyin,
In the airms o Jemima Rose,
But fen I awoke I wis lyin in ma sark,
At the fit o Peacock Close.
12: Oh she stole fae me ma watch an chain,
Ma speuchan and ma purse;
But I stole fae her her maidenheid,
And that's a damn sicht worse.
[speuchan - tobacco pouch
13: So come aa ye jolly plooman lads,
That gyang oot for a lark,
An mind on the money in yer inside pooch,
If the wyes be lang an dark.
Chorus:
Wi ma rovin eye, right fa laddie,
Right fa laddie, toura lye,
Wi ma rovin eye, fal a doo a dye
Wi ma rovin eye, dum dairy, wi ma rovin eye.
|
||||
8. |
The Banks o Airdrie
04:32
|
|||
|
1: Three bonnie sisters gaed oot for a walk,
Eechan aye say bonnie O,
They’ve met wi a robber on the road,
By the bonnie banks o Airdrie O.
2: He’s taen the first yin by the hand,
He’s birled her roon an bid her stand.
3: "Will ye be a rank robber’s wife?
Or will ye dee by my penknife?"
4: "I’ll nae be a rank robber’s wife,
I’d raither dee by your penknife."
5: He’s taen the next yin by the hand,
He’s birled her roon an bid her stand.
6: "Will ye be a rank robber’s wife,
Or will ye dee by my penknife?"
7: "I’ll nae be a rank robber’s wife,
I’d raither dee by your penknife."
8: Then he’s taen the third yin by the hand,
He’s birled her roon an he’s bid her stand.
9: "Will ye be a rank robber’s wife,
Or will ye dee by my penknife?"
10: "I’ll nae be a rank robber’s wife,
Nor will I dee by your penknife."
11: "For in this wid I’ve a brither true,
An gin ye kill me syne he’ll kill you."
12: "Come tell me fit is yer brither’s name."
"It’s Bubblin Jockie they cry him."
13: "Oh my God, fit hiv I din!
I’ve killed my sisters, aa but yin."
14: "Then he’s picket them up an he’s cairried them hame,
Eechan aye say bonnie O,
A-robbin, a-robbin I’ll niver gang again,
By the bonnie banks o Airdrie O.
|
||||
9. |
The Plooman's Due
02:59
|
|||
|
1: Cauld winter now is over an Spring is come again,
The cauld winds o Mairch month has driven awa the rain;
Has driven awa the dreary rain likewise the frost an snaw,
An the foreman in the mornin has ordered oot tae saw.
2: Has ordered oot tae saw my boys an we maun follae fast,
But we’re told by oor hard maister that there’ll be nae time tae rest;
For we maun be intae the yoke each mornin by half five,
An merrily merrily ower the rigs oor horses we will drive,
3: We wander then till twelve o’clock tae dinner then we go,
We scarce hae gotten a half an oor when the foreman cries, “Hallo!
Hallo, hallo, hallo ma lads, it’s yokin time again,
Come let us get it aa harried afore it comes on rain.”
4: We wander then until the sun behind the hill does hide,
'Tis then oor horses we will lowse an hameward we will ride;
Hameward we will ride ma boys an get oor horses fed,
We’ll kame them weel fae hape tae heel an their tails an manes we’ll rade.
5: An after that we supper then an after that we hie,
Tae see oor bonnie lassies a-milkin o their kye;
A-milkin o their kye ma lads an pree their cherry mou,
An tak a daffin oor or twa, shak hands an bid adieu.
6: 'Tis noo ma song I mean tae end and end it up wi this,
Let ploomen get mair wages it is the ploomen’s wish;
Let ploomen get mair wages it is the ploomen’s due,
For he keeps up the rich and grand by the sweat that’s on his broo.
Let ploomen get mair wages it is the ploomen’s due,
For he keeps up the rich and grand by the sweat that’s on his broo.
|
||||
10. |
John Barleycorn
05:38
|
|||
|
1: There came three men oot fae the west,
Three men baith great and high;
And they hae swore a solemn oath,
That John Barleycorn should die.
Chorus:
Oh! Oh! John Barley,
Oh! John Barleycorn,
It wad break the heart o a dying man,
Tae hear John Barley moan.
2: They hae ploughed him deep intae the grund,
Put sods upon his heid;
And they hae swore a solemn oath,
That John Barleycorn wis deid.
3: Aye, an gentle spring cam kindly on,
And showers began tae faa;
John Baleycorn rose up again,
Aye, an sair surprised them aa.
4: Aye, an sultry summer soon it cam,
And the sun it brightly shone;
John Barleycorn grew a lang, lang beard,
Aye, and so became a man.
5: They hae taen a scythe baith land an shairp,
Cut him aboot the knee;
And they've tied him fast upon a cairt,
Like some rogue for a felony.
6: They hae roasted him ower the scorching fire,
Till the marra ran fae his bones;
And the miller used him worse than that,
He's crushed him between two stones.
7: Aye, but John Barleycorn was a hero bold,
And of noble enterprise;
If ever you do taste his blood,
It'd mak your courage rise.
8: So let us toast John Barleycorn,
Every man wi his gless in his hand;
Aye, an may his great prosperity,
Never fail in aa Scotland.
Chorus:
Oh! Oh! John Barley,
Oh! John Barleycorn,
It wad break the heart o a dying man,
Tae hear John Barley moan.
|
||||
11. |
Earl Richard
04:03
|
|||
|
1: Earl Richard is a-huntin gaen,
As fast as he could ride;
A huntin-horn hung roond his neck,
And a shairp sword by his side.
2: Fan he’s come tae my lady’s gate,
He’s tirled at the pin;
There wis nane sae ready as my lady,
To gae doon and let him in.
3: "Licht doon licht doon Earl Richard," she says,
"Licht doon and bide aa nicht;
We’ll hae cheer wi charcoal clear,
Aye and candles burnin bricht."
4: "I canna bide I winna bide,
I canna bide ava;
For a fairer lady than ten o ye,
Is waiting at my haa."
5: He’s bent doon fae his milk-white steed,
Tae kiss her rosy cheek;
She’s taen a pen-knife in her hand,
And wounded him richt deep.
6: "Lie ye there Earl Richard," she says,
"Lie there until the morn;
And a fairer lady than ten o me,
Will think ye’re lang comin hame."
7: Then she has caad her servin maids,
Aye she’s caad them twa by twa;
"There is a deid man at my gate,
And I wish he wis awa."
8: Twa maids hae taen him by the hands,
And twa hae taen his feet;
And they’ve flung him in a deep draw-well,
Fu fifty fathoms deep.
9: Then up there spake a bonny bird,
That sat upon a tree;
"Gae hame, gae hame ye fause lady,
And pey your maids their fee."
10: "Come doon here my bonny bird,
And sit upon my hand;
I’ll gie ye a cage o the beaten goud,
And nae the hazel wand."
11: "Gae hame, gae hame ye fause lady,
And an ill death may ye dee;
For as ye’ve din tae Earl Richard,
Sae wid ye dae tae me."
12: "Gin I had a bent bow in my hand,
An arrow on the string;
I’d shoot a dart at your prood hert,
Amang the leaves sae green."
|
||||
12. |
Bonnie George Campbell
03:12
|
|||
|
1: High upon heilands and low upon Tay,
Bonnie George Campbell rade oot on a day;
Saddled and bridled and mounted gaed he,
Hame cam his good horse but never cam he.
2: Saddled and bridled and mounted gaed he,
A feather to his hat and a sword at his knee.
Hame cam his saddle, aa bloody to see,
Hame cam his good horse but never cam he.
3: Oot cam his auld mother, she wis greetin fu sair,
Oot cam his bonnie wife rivin her hair;
The meadow lies green and the corn is unshorn,
Ma barn’s yet tae big and my babe yet unborn.
4: Bonnie George Campbell rade oot on a day,
A band o MacDonalds he met by the way;
They took him, they killed him, they hung him sae high,
Hame cam his good horse but never cam he.
5: High upon heilands and low upon Tay,
Bonnie George Campbell rade oot on a day;
Saddled and bridled and mounted gaed he,
Hame cam his good horse but never cam he.
|
||||
13. |
Willie's Lyke Wake
05:14
|
|||
|
1: "Willie ma son, why look ye sae sad?"
As the sun shines over the valley
"I lie sairly sick for the love o a maid."
Amang the blue flooers and the yellow
2: "O Willie, ma son, I wad learn ye a wile,
It is how ye can this maiden beguile."
3: "And it's ye’ll gie the bellman his bell groat,
Tae ring his deid bell at your true love's gate."
4: And he's gien the bellman his bell groat,
And he's rung his deid bell at Willie's true lover's gate.
5: And the maid she stood and she heard it aa,
Aye, and doun her cheeks the tears did faa.
6: And she's gaed doun tae Willie's yett,
Willie's seiven brithers were standin thereat.
7: And they did convoy her intae Willie's haa,
For there were weepers an mourners amang them aa.
8: She has lifted up the coverin, the coverin o reid,
An wi a melancholy countenance tae gaze upon the deid.
9: Willie’s taen aroond the middle sae sma,
An he's laid her atween him and the waa.
10: "O Willie, O Willie let me stay a maid,
And the very next mornin I'll be your bride."
11: "Aye, but noo ye've cam intae my bower,
Ye winna ging a maid anither quarter o an hour."
12: It wis at Willie's wake that she got her beddin,
As the sun shines over the valley
And the very next day was her gay weddin.
Amang the blue flooers and the yellow
|
||||
14. |
The Bonnie Wee Lassie
02:57
|
|||
|
1: Well I’ve cam tae a cross faar I met a wee lass,
Says, I, "Ma wee lass are ye willin tae go?"
She says, "Sir I will, for the share o a gill,
For it’s I’m the wee lassie that niver said no."
2: Sae we’ve gaen tae an alehouse and straicht up tae bed,
We niver did rise till the cock it did crow;
Then it’s gless efter gless I did merrily toss,
Wi the bonnie wee lassie that niver said no.
3: Then the landlady’s opened the door an cam in,
She’s lifted a gless and said wi a smile,
"Here’s a health tae the lad faas brocht in this lass,
Here’s a health tae the lass that can jig it in style."
4: "Go and bring us mair liquor," the lassie she said.
They’ve brocht in jugs and bottles a-new,
Then it’s glass efter glass I did merrily toss,
Till the lass and the landlady filled themsels fou.
5: "O look intae yer pocket," the landlady said,
"Ye owe me twa shillins tae pey for yer bed,
And for layin her doon ye owe me a croon,
O look intae yer pocket," the landlady said.
6: I’ve pit a pound in her pocket but five I’ve taen oot,
And I thocht tae myself I will bundle and go;
Well I bid her goodbye but she’s made nae reply,
The bonnie wee lassie that niver said no.
|
||||
15. |
Night Visiting Song
05:25
|
|||
|
1: Although the night be as dark as dungeon,
No a star to be seen above;
It's over the high hills I'll roam with pleasure,
Into the arums of my true love.
2: He stepped up to her bedroom window,
He's kneeled down silently upon a stone;
And through the window he,s whispered softly,
“My darling dear do you lie alone?”
2: She rose up from her down white pillow,
She's lifted her arums from her lilly white breast;
“Who’se that, who’se that at my bedroom window,
Disturbing me at my long night’s rest?”
4: "'Tis I, 'tis I love, it is your own true lover,
Open the door now and let me in;
For I am come on a long night’s journey,
And I am near drenched unto the skin.”
5: She rose up then wi the greatest of pleasure,
She rose up and she let him in;
And they were locked in each other's arums,
Until that long night was past an gone.
6: And when that long night, it was past and over,
And all the small cocks began to crow;
They've kissed an parted, he's saddled and mounted,
He sounded his trumpet and away did go.
7: "For I must away love, I can no longer tarry,
This morning's tempest I hae tae cross;
It's over the high hills I'll roam wi pleasure,
Since I’ve been in the airms of my own true love.
It's over the high hills I'll roam wi pleasure,
Since I’ve been in the airms of my own true love."
|
||||
If you like Shepheard, Spiers & Watson, you may also like:
This album speaks to the continuum of African diasporic culture that is central to the vibrant canon of Americana folk music.
go to album
Sweet Old Religion
by Pharis & Jason Romero
Sweet harmonies & strummed melodies; the duo delve into decades-old folk, jazz, and country to find a timeless kind of love and connection.
go to album
Feel The Ground You Walk Upon
by Lewis McLaughlin
Old-fashioned fiddles harmonize with rippling synths on the Scottish singer-songwriter's latest collection of original folk songs.
go to album
Would the Light Hold Me
by Oceanique
Celtic-inspired instrumentation, delicate harmonies, and reflective lyrics abound on the sisterly indie-folk duo's debut album.
go to album
Scottish harpist and singer Rachel Newton brings an innovative, intensely emotional touch to traditional music on this dreamy LP.
go to album
Wealth of Sorrow
by Cahalen Morrison
Bright and skipping songs that foreground the sound of the banjo and fingerstyle guitar in music that feels timeless.
go to album
The Toronto-based sextet make moody, cinematic sounding music that blends psych-folk and post-rock.
go to album
